Shukar alen ani Platforma vash Deyutne e bukyako!
Platforma “Miri Angluni Buti” dela yekh unikuno shaipe vash te len kotar o nevo talenti, azutindoy profesionaluno evolviripe e ternengo deindoy kontributi ano bayaripe e kapacitetyengo ko kompanie/biznesia privatune. Akava program nane numay iniciativa socialuni, numay ini stratejikuno shaipe vash o biznesia kola mangena te investinen ano zoralipe vash yekh taharako shukaripe vash o butikerutne.
Akava programi dela buderune laqhipya vash o deyutne e bukyako
- Subvencionipe e PokipeskoVash yekh vakti 6 masekuno pokipe e praktikantesko uqhargyola kotar o program, kerindoy shukar reduktipe e bukyake kostosko vash yekh kompania.
- Evolviripe e Andrualune Kapacitetyengo:Kompania sila shaipe te investinel ano evolviripe e jandipasko ko praktikantya sar sosi olenge specifikune mangipya, gatisarindoy olen vash e rola e avutnipeski andral e kompania.
- Rekrutipe e neve stafesko: Akava program kerela lokhipe ano procesi identifikipasko thay trenigno e neve talentyengo, deindoy e kompaniyenge shaipe vash alosaripe thay adikeripe kola si may shukare butyarne.
- Deyutnobutyako kova sile socialuni obligacia: Kotorleyipe ano programi qhivela ani pozicia e kompania sar yekh aktori mahatno ano laqharipe e socialune integripesko thay ekonomiako e qalavde komunitetyengo.
- Eksperimentipe bizo Financipesko riziko: Kompanie shay te testinen neve role numay te uqharen o nanipya ano stafi bizo te ovel uqo financipasko kosto.
Azutipe vash Praktikantya
Nanumay uqharipe e pokipesko, deyutnebukyako ini dena:
- Direkutno azutipe kotar o ekspertia thay phiravne e kompaniake vash evolviripe e teknikune jandipesko thay profesionaluno e praktikantyengo.
- Praktikaki Eksperienca ano butyako, kerindoy shaipe vash laqharipe e profesionalune rafinako.
- Evolviripe e neve jandipyengo sar menajipe e vaktesko, alosaripe e rpoblemyengo thay buti ani ekipa.
- Certifikata thay referenca savi si validuni ano butyako trego.
- Shaipe vash sah vaktuni vuti te sine kay o praktikanti mothavela shukarni performance ano vakti akale 6 masekengo.
Akava program si may buderi desar yekh praktika butyaki – si yekh stratejikuno partneri vash laqharipe yekhe butikerutnenge zoralipesko e jandipea thay motivime. Leindoy kotor, kompanie investinena ano manushikano kapituli thay si ani pozicia sar lideria zorale evolviripesko butikerutnengo vash avutnipe.
Amari platform si tumarno partneri vash te zoravel tumaro biznesi e manglarde talentea thay te kerel pozitivuno impakto ano socialuno evolviripe thay thaneski ekonomia. Registrin tut adive vash te laqhare yekh pratsavuno avutnipe thay suksesuno vash tumari kompania!