🔖 Ano rami e programesko “Miri angluni buti”, 75 terne kotar o komunitetya Roma, Ashkalie thay Egipqanya suksesea agorime o treningo vash evolviripe e jandipesko vash komunikipe thay prezantipe.
🗣️ Akava programi sile resipe kay te kerel zoralipe e ternengo ano olengo gatisaripe vash bukyako trego, deindoy olenge sheruno jandipe vash butikeripe thay korkore pakyavipe ano profesionaluno angazhipe vay astaripe.
📌Yekh mahatni komponenta e treningoski sine ini e sesia vash antijipsizmo moderimo kotar o Senad Ibishi, kova sinele resipe te adresinel o qhelale dikhipya thay pharipya kolencar astargyona akala komunitetya.
📝Palo akava o treningo phiravgya e zhurnalista Jeta Xhara informindoy e kotorleyutnen upral: jandipya e komunikipaske thay prezantipe, teknike vash yekh suksesuni intervista, phiravipe thay godideipya yaver kola si mahatne ano aplikipe vash buti vay yaver.
🙌Akava sherdipe mothavela mahatnipe e zoralipesko ko terne thay shaipya vash keripe yekhe malipesko te ovel may yekhuno thay sahastarno.
