📌 Voice of Roma, Ashkali and Egyptians adikergya truyalimes vash te diskutinel vash keripe e shipyengo may shukar shaipyengo thay bayaripe e gendosko e jenengo kotar o komunitetya, roma, ashkalie thay egipqanya ano bukyako trego.
💬Ani akaya diskusiya mothavdilo o butikeripesko programi astarindoy o pharipya thay gendo e jenengo kola lele benefcia ano palune trin bersh e butikeripeske programesko.
Kotorleyutne ani akaya truyalimes sine o sherune e butikeripaske ofisyengo kotar o thema e Kosovake rejioneske, kola vakerde sherune aspektia e butikeripeske.
Amare politike sar organizacia ano programi butikeripesko uqharela o sah faze e butikeripeske procesesko, kotar analiza butikeripeski ano tereni jiano shukano butikeripe. Akala politike phanglona amare butya vash anti-racizmi, diversiteti, yekhipe thay lekanipe e krisesko thay relevantune regulative.
Kotorleyutne dende olenge rekomandipya vash ledeyipe e Kosovake Republikake Agencia vash Butikeripe vash programi praktikake bukyako “Miri angluni buti”, ledeyipe e bukyake ofisyencar vash adikeripe e informativune sesiyengo.
