Jetmir Fazlijaj, diplomorimo student ano Saslaripesko Fakultetni ano Prishtinako Universiteti. Palo agoripe e suksesea e studipyengo, Jetmiri sheringya e praktikaki buti ano Familiaruno Sastipesko Centro (FSC) ani Vitomirica. Akava gatisaripe hraminela yekkh mahatno bajako vash oleske, sar ano aspekti profesionaluno ayekha ano servisipe mamuy o komuniteti, kote ov aplikinela jandipe thay jandipya kola lela prekal o studipaske bersha. Ano olesko fakti ji sine ano Saslaripesko Fakulteti, Jetmiri demostringya yekh gatisaripe bikhelavdo ani oleski profesia, nakhavindoy o akademikune pharipya thay buderune praktike kola zoravde olesko temeli vash te ovel suksesuno saslarno. Aktualuno, praktikaki buti ano Familiaruno Sastipesko Centro ani Vitomirica dela oleske shaipe vash te lelkan shukar o pharipya vash sama ano saslaripe ano tereni, azutindoy direktuno e pacienten thay komunitete.

Generaluni infemiera angazimi ani “Avicena” Mitrovica, nakhela yekh vakti intesivuno thay shukarno ano praktikaki buti. Prekal akava vakti, ovindoy kotor e mahatne ekipako profesionaluni ano akava centro. Prekal olako angazhipe sako divuno, Aida na numay sinela bayaripe e profesionalune jandipesko, numay ayekha shunela yekh shukaripe prekal e praktikaki buti. Sar yekh personi gatisarni vash te del sama ano uqo niveli vash pacientia, oy sis ah vakti gatisarni te azutinel thay te laqhargyol. Praktika ani “Avicena” dengya e Aidake shaipe vash te aplikinel o lele jandipya prekal o studipya, kerindoy ola te shunel peste pherdi e pozitivitetea thay siguruni ano olako dromipe ani umal e saslaripeski.

Mirlinda Bytyqi, yekh studenta talentimi kotar e SHML “Hysni Zajmi”, nakhela prekal yekh eksperienca barvali ani praktika ano labaratori “ Avicena” ani Jakova. Palo agoripe e shkollako, oy decisingya te alosarel o labaratori sar yekh idealuno than vash te bayarel poro profesionaluno jandipe thay te aplikinel akala jandipya kola lela ano studipya. Prekal o vakti e prakrikako, e Mirlinda sila shaipe te kerol e palune tehnologia thay te ovel ola akcesi ano avancime procedure laboratoriake. Akaya eksperienca dela olake buhli perspektiva upral o shaipe sar kerela funksia yekh moderuno laboratory thay mahatnipe oleske rolako ano saslaripesko dikhlaripe. Mirlinda si gatisarni te siklol may buderi kotar pere kolegia thay te del kontributi ani ekipa e laboratoryengi. Oy mothavela kay e buti ani “Avicena” si yekh shaipe shukarno vash te bayarel o jandipya ani praktika. Numay ano aspekti profesionaluno, Mirlinda lela ayekha shaipe te ulavel siklipya thay te kerel neve ledeipya e profesionistyencar yaverune ani akaya umal. Yekhe pozitivune pratsavea thay yekh mangipe zoralo vash te evolviringyol, Mirlinda bytyqi si ano shukarno dromipe vash yekh kariera e suksese ani umal saslaripeski. Olaki buti ano laboratory “Avicena” ani Jakova ka ovel servisipe ani zorali baza vash olako avutnipasko prosionalizmo.

Praktikanti talentuno kola evolvirinela o jandipe olesko ano laboratori saslaripesko ani kompania Xiri Shabanaj ani Jakova. Ov sile yekh pasioni baro ani umal e saslaripeski thay si gatisarno vash te siklol thay te del kontributi ano deyipe e saslacipeske servisipyengo e uqe nivelea. Prekal oleski praktika, Adriatik sinele shaipe te kerel buti ano yekh profesionaluno ambienti, kote implementingya olesko jandipe teoriake ani praktikuni situacia. Ov si penjardo vash oleske jandipya analitikune thay gojalipea vash detalia, kola si mahatne vash yekh saslaripesko laboranti. Adriatik si angle te evolvirinel o ledeyipe shukarno mashkar pere kolegia, kerindoy atmosfera ledeyipaski thay azutipaski. Oy lelo godideyipya thay mothavipya kotar oleske mentoria, kola silen kontributi ano bayaripe e jandipesko vash olesko profesionalizmo thay penjaripe may hor e laboratoriake procesyengo. Ov pakyala kay e praktika si mahatno bajako ani oleski kariera thay si eskeperienca oleske te siklol diso thay yekh shaipe vash te laqharel peste. Adriatiko si motivimo te phiravel evolviripe ani umal saslaripeski thay gndinela te kontribuinel ano avancipe e saslaripeske servisipyengo ano avutnipe. Ano agor o Adriatik Dana, si yekh praktikanti shukarno ano Xiri Shabanaj, kova mothavela o gatisaripe thay pasioni, kay sakova resipe shay reslola. Ov si yekh shukatno mothavno e duhoa vash o terne kola phiravena pere mangipya ani umal e saslaripeski.